Euskal idazleak

Liburu bat irakurtzen dugunean erreparatu behar diogu idazlearen izenari. Horrela, gustuko izanez gero, beste baterako erreferentzia bat izango dugu. Bigarren Hezkuntzan gaude; hemendik aurrera, testu liburuetan agertzen diren idazleen izenak kontuan hartu eta biografia xume bat idatzikodugu. Konturatu barik Literatura ikasiko dugu.

PAKO ARISTI

http://zubitegia.armiarma.com/?i=13

BERDIN DIO

Berdin dio

ez daukagu estufarik baina

musikak berotuko du gure etxea

eguerditan eguzkitara atera behar da loroa

eskaleei ikasleak garela esan

liburu saltzaileei ez dakigula irakurtzen

eta Jehovako Testiguei ez dugula Jainkorik behar

geu garela elkarren Jainko

wiskia, sobreko zopak eta Silvioren abestiekin nahikoa dugu

Deskonjela ezazu iragan asteko ogia mesedez.

PATXI ZUBIZARRETA

http://eu.wikipedia.org/wiki/Patxi_Zubizarreta

BERNARDO ATXAGA

http://www.atxaga.org/

Begira egien berriro

Begira egien berriro masustei,
horma moreak egiten bideari,
soseguan ixiltasuna brodatzen,
Ainhoa;
bete ezan horrela
udaren adar gorrietatik
eskegita dagoen arratsa;
ez ditun
gela hutsetako etxean aurkituko,
ez ditun
sentituko geroan,
hire begietako erle urdinak elikatzen,
hire aho multiplikatuaren antsiak zaintzen,
Ainhoa;
baina ez dun esan behar brodatzen
(bordatzen, bordatzen
kantatzen zinaten irule panpalek);
Ainhoa ile beilegi
ispilu ttikiaz orrazten.

FERNANDO MORILLO

http://www.fernandomorillo.eu/

GERARDO MARKULETA

POETIKA III
Apenas den ezer

poema bat:

poxpolo baten itzala

eguzkipean.

Poxpoloa amaitzean

atzamarra erretzeko arriskuak

bere horretan dirau, hala ere.

JOSEBA SARRIONANDIA

http://zubitegia.armiarma.com/?i=124

ZITA

Ez hadi berandu heldu zitara abisatu neuan
ordu eta lekuan.
Bakardade sasoian bizi gaituk, banaka eta
bakarminez, oldartuak,
inguratuak, elkartzea gehiegikeria duk,
kale bazterrean
lau minutuz hitzegitea ere arrisku larria duk,
baina azaldu hadi.
Ez duk bilera bat, enkontru bat bakarrik
bizi haizen jakiteko.
Ager hadi oraintxe bertan, erlojuak
markatzen duen
mamulako une honetan, ez dadila hire
hutsunea heldu,
ez nazak denborari eta inguruari
amilondoari bezala begira utzi.
Gaur agertzen ez bahaiz, herenegun itxadongo haut
ezinezko beste kantoiren batetan.

MARIASUN LANDA